27交易 (第1/1页)

    为了替铁胆找到医生，流主他们跟着少nV来到猫头鹰的总部。

    「你睇落唔似系政府军，又唔似系正势力，你系咩人？」康师傅突然问流主

    「我只系一个普通人．．．」流主说

    「好，咁就由你决定交易啲咩。」康师傅说

    鹰紧张说：「吓！？．．．咪住先，我地依度五个人加一只狗，唔系应该每人交易一次咩．．．？」

    「再唔决定，就当你地唔做交易，唔好浪费大家时间。」康师傅说

    「唔．．．」一时间大家也看着流主，但是他却决定不了

    康师傅忽然J笑说：「你颈上面嘅系咪Bitgdom嘅狗带？我地识得拆喎。」

    听到这句话，流主顿时双眼睁大了。他知道康师傅明显是有意为难．．．伊甸园创造器的情报．．．MR的情报．．．铁胆的命．．．现在还有他自己的项上人头．．．．．．流主十分挣扎！

    「再唔系，你地不如打过，Si剩嘅咪可以做决定。」康师傅咄咄b人

    「唔．．．」鹰看着流主他们，竟然真的想拔出手枪

    四眼也紧握着放在枪袋的手枪．．．

    「点呀？」康师傅用一个挑衅的眼神看着他们

    此时，鹰终於按捺不住拔枪，四眼也立即举枪！然而，意想不到，他们竟然不谋而合地用枪指着康师傅！

    「杀左你，我一样可以要胁医生帮铁胆做手术！」鹰凌厉的眼神表明了她的决心

    「或者威b你将MR嘅情报交出嚟。」四眼的语气也不像在开玩笑

    这时，康师傅站起来，慢慢拔出配剑：「．．．睇下点。」

    其他的守卫见状也立即拔出武器，准备随时攻击。鹰和四眼虽然已经有Si的觉悟，但是现在明显是在自寻Si路！即使杀得了康师傅，他们都必定会陪葬．．．

    「．．．救铁胆啦。」

    流主并没有大吼，也没有大叫。但是这句话对大家来说却铿锵有力、如雷贯耳，一息间，大家也静下来了，紧张的气氛也随即冷却下来。

    「一个简单嘅交易。」康师傅收起配剑：「无问题，费用系5,000蚊，保证佢健步如飞咁出返嚟。」说毕，守卫便把铁胆带走了

    「．．．你唔会跣我地挂？」鹰质疑着

    「我地系生意人，讲嘅系信用。」康师傅笑说

    流主向四眼道歉：「对唔住．．．我知道你需要MR嘅情报．．．但系．．．」

    「嗯，你无做错。b着系阿林，都会做同样嘅决定。」四眼说

    「多谢你地．．．」鹰垂着头说，个X刚强直率的她想不到也有含羞答答得像个小nV孩的时候

    「得啦。」四眼也少有地笑着

    「康师傅，铁胆接受医疗期间，我地可唔可以喺度等？」流主问

    「可以，你地需要嘅话，可以去东楼过一晚，守卫会安排地方b你地，不过唔会提供任何物资。另外，仲有一件事．．．」康师傅说

    此时，数个守卫竟然把救了流主他们的少nV带出来押在康师傅面前！

    「师傅．．．你听我解释．．．」少nV挣扎着说

    流主紧张起来：「康师傅，咩事捉住佢！？」

    康师傅对少nV说：「锁匙萱，你知你自己做左啲咩，仲有咩好解释？」

    「我．．．我都系迫於无奈先．．．会出手．．．」锁匙萱眼有泪光说

    「系咩？咁你救佢地，都系迫於无奈罗喎？」康师傅说

    鹰忍不住上前问：「咪住先，你地讲紧咩？佢救我地有咩问题？？」

    四眼说：「猫头鹰平时唔会救人唔系因为冷血，而系佢地有规定．．．成员不论任何理由，都唔可以救人．．．」

    「有无Ga0捻错！依啲系咩规定嚟！？」鹰激动地说

    康师父说：「你以为点解我地猫头鹰可以生存喺战区咁多年？除左我地有力量之外，就系因为我地能够保持中立，绝对唔会出手帮任何人，所以先唔会有敌人。」

    「就连自己人都唔救？」流主问

    「成员有能力可以自卫反击。相反，咁容易就落喺人地手上嘅成员，唔值得我地冒住会树敌嘅风险去救，我地甚至会灭口嚟阻止情报泄漏。依啲嘢，所有成员一早已经有晒心理准备。」康师傅说

    「哼．．．荒鸠谬。」一直沉默的孖根忍不住说

    「师傅．．．系佢地救左我．．．我先帮返佢地架咋．．．」锁匙萱解释说

    「咁你点解释你为左帮佢地而S杀MR？仲有免费提供属於组织嘅补给b佢地？你以为我啲监察兵系盲架？」康师傅说

    「我．．．」锁匙萱无言以对

    「你唔使再谂藉口啦，规矩就系规矩。」康师傅说着，竟然把配剑架在锁匙萱的颈上！

    锁匙萱无话可说，全身发抖、泪盈满眶地低下头．．．

    这时，流主终於还是按捺不住，接受不了这个荒谬的结果。他举起手上的雷S步枪，对着康师傅。

    「．．．你都几多管闲事个喎。」康师傅说

    「无错，佢系一个好锺意管闲事嘅人。」孖根说着，也把手放在枪袋上

    康师傅说：「哼，我知你系边个，双枪神S手痴孖根。」

    四眼也举枪说：「咁你仲唔放人？」鹰也立即跟着举枪

    「你地唔好傻啦！」锁匙萱哭着说：「你地得几个人，唔系猫头鹰嘅对手架！」

    流主坚定地说：「起码都拎走佢条命。」

    「．．．．．．哼．．．哈哈哈。」康师傅收起配剑说：「算啦，用你地依班郁下都用枪指住人嘅卒仔换我条命，点计都唔化算。锁匙萱唔系情报科嘅人，知道嘅嘢唔多．．．今次，就唔杀你。」

    「师傅．．．」锁匙萱松了口气

    「不过，活罪难饶。从即刻起，你唔再系我地猫头鹰嘅成员。」康师傅说

    锁匙萱默默低下头，她自知能捡回小命已经非常难得，因此也不敢再多话。她把刻有猫头鹰标记的项链脱下来放在地上，便独个儿悄悄离开．．．

    康师傅说：「你地唔使担心，我做生意好均真。一件事还一件事，你地可以喺度等你地朋友做完手术先走。」

    康师傅说完便在守卫护送下松容离开。

    「我想去搵锁匙萱．．．佢系因为我先会Ga0成咁．．．．．．」流主说

    「．．．我．．．想留低等铁胆．．．」鹰有点不好意思地说

    「对唔住，我谂我都同唔到你一齐去啦。」四眼说：「我小队得返我一个，MR嘅资料又唔多，我想听日再同猫头鹰交涉下。」

    「咁好啦，多谢你地．．．无你地，我谂我已经Si左．．．好开心识到你地。我地．．．有缘再见。」流主笑说，四眼和鹰也报以一个友好的微笑

    虽然流主和他们只是相识了半天，但已经一起出生入Si、共渡了多过难关，感觉有如数载．．．流主带着不舍而又戒备的心情，和孖根及狗r0U沿路慢慢离开猫头鹰的基地．．．