69机械人之乱 (第1/1页)

    离开了Bitgdom前往到九龙湾的流主他们，意外发现九龙湾正受袭击！

    孖根一如以往，气势旺盛，举枪向迎面而来的数台守卫机械人开火。在孖根的天使.50枪下，移动速度缓慢的守卫机械人根本还未及作出反应便已经报销。可是，孖根的攻击即使再准确再快，也应付不了太多的敌人。在大量迎面袭来的击光包围下，她也只能被迫续步後退。

    就在孖根节节败退之时，破坏力惊人的豆突然加入战团，以他的拳击格斗技瞬间把数台守卫机械人击破！在豆装备了加大码动力拳套的夺命铁拳下，这些机械人也只不过是玩具而已。然而，就在此时，在数台守卫机械人的後方，一台哨兵机械人以极高速度溜到豆的背後，并以它的雷S多管机枪对豆施以猛攻！豆一时间也只能转身举手挡格，虽然哨兵机械人的攻击还未足以致命，但却足够让豆无还击之力！哨兵机械人见已经占得上风，便打算乘胜追击，高举装置在另一只手上的飞弹发S器向豆瞄准！

    即使豆是铜皮铁骨的超级变种人，但要是被飞弹击中，相信也必定重伤。然而，幸运地，飞弹还未发S，哨兵机械人却突然停止运作．．．只见阿宝一手持着电浆手枪，另一手拿着一把螺丝起子，松容不迫地从哨兵机械人的身後步出来，而他的背後也已经躺住了数台停止了运作的机械人。解救豆後，阿宝便迅速跑到另一台机械人的後背并尝试将其关掉。可是，要关闭一台机械人，再快也至少需要数秒时间，就在阿宝关上了另一台机械人的同时，数束激光刚好打在他的身旁！

    侥幸没有被击中的阿宝回头只见一台守卫机械人正对他攻击，不过它还未及击中阿宝，便已经被使用小太刀星辰的锁匙萱一分为二！能够轻易剖开动力装甲的小太刀星辰在锁匙萱敏捷的身手配合下，其威胁程度更上一层楼！她踏着滚轴溜冰鞋游走於数台机械人之中，势如破竹地把它们的首级统统砍下！

    「．．．锁匙萱．．．．．．」

    这时，一把声音突然从後传到锁匙萱耳边！锁匙萱吓得猛地回头，却发现只不过是一台便利先生。可是．．．它却隐约散发着一GU奇怪的气息．．．

    不过，这台便利先生明显并不仁慈，也不是站在锁匙萱的一方，它趁锁匙萱愣住了的一刹那用它触手上的圆锯狠狠地向她砍下去！！幸好再一次被遗忘了的狗r0U又再及时出现，一口咬住了便利先生的触手，然後一颗以接近光速飞驰的2mm子弹，乾净俐落地把便利先生贯穿了。

    「锁匙萱！你无事呀吗？」流主跑过来说

    「无．．．无事．．．」锁匙萱有点茫然

    虽然机械人的数量不少，但流主他们也非等闲之辈，片刻的惊险战斗，总算暂时把现场的机械人都处理了。

    「原来系你地呀！！」一个男人看到情况受到了控制，便马上从其中一个小屋走出来：「今次真系唔知点报答你地啦．．．啲机械人发晒癫见人就杀！你知啦，我地科学嘢就叻啫，战斗嘅嘢我地识条铁咩．．．呀点知就喺啲机械人杀呀杀嘅时候，唔知边度突然整个超级变种人出嚟．．．我心谂，呢舖玩完啦．．．十Si无生啦．．．但系原来．．．」

    「依条友好烦喎．．．」阿宝不胜其烦说

    孖根说：「佢系电子民，九龙湾嘅居民。」

    流主上前打断电子民的说话：「究竟依度发生左咩事？？」

    电子民摇摇头说：「唉，讲起真系一匹布咁长．．．」

    「讲重点得架啦。」流主说

    「啊，又得呀。」电子民续说：「成件事就系咁嘅，你走左无几耐之後，我地咪拉大队去地下排W设施Ga0掂埋啲变种蛇嘅手尾罗。成坛嘢都好顺利架！咁Ga0掂晒，我地咪顺手执啲变种蛇返去，攞嚟食又好，攞嚟浸酒又好，咩都好啦。咁嗰阵其实都无咩奇怪嘢发生，嗰晚我地仲不知几过瘾，又饮酒又食蛇羹．．．到左第二日啦，我同几个朋友食完早餐，咁啱就有人经过九龙湾，想话买部机械人，咁我地紧系嗱嗱声带佢去车厂嗰边睇货啦。呀点鬼知条磨碌又话无咩钱又剩，问我地可唔可以平啲卖部二手嘅b佢，唉咁你知我地九龙湾以客为本架嘛，二手咪二手罗有咩所谓。咁我地就带佢去睇早一日用完嗰啲机械人罗，见又未维修又未清洁，够晒二手啦挂？咁我地同佢拣呀拣，条粉皮又依样又嗰样，又话残得滞但系又要嫌贵．．．好彩，最後佢都拣啱部守卫机械人，咁我就循例开着b佢试下啦，点鬼知部守卫机械人一着左就一枪打瓜左件蛋散．．．我地几个即刻呆左企左喺度，都唔知应该b咩反应佢。不过我就醒目呀，即刻熄鬼左部机械人先。之後就续部机械人检查啦．．．呀但系啲线路呀剩呀嗰啲又无问题喎，咁我又开返部机械人，点知佢又系咁，即刻就发癫向我地开枪，我地吓得鼻哥窿都无r0U。但系咁我就即刻知咩事呀，唔使审，肯定系程式出错啦。之後好彩我又反应快呀，撬开佢背脊个控制板，一鸠剪鬼断佢条电源线，咁先至无事咋。不过虽然话无事，但系咁落去始终都唔掂架嘛，我地估呀，唔知会唔会系b啲变种蛇整坏左呀．．．但系又无可能呀，变种蛇又点Ga0得到啲程式，牛头都唔搭马嘴系咪先？不过我地唔理啦，顺手入去车厂，谂住cH0U样试下啲机械人啦。哇点知呀，一入到去呀，原来啲机械人全部都着捻晒，仲系咁向我地开火！我地咪系咁跑系咁跑，呀仆街班机械人竟然好Si唔Si追埋出嚟见人就杀见人就打！之後我地咪唯有匿埋先罗．．．好彩你地嚟得合时，如果唔系呀，我都唔知仲要匿多几多日呀Y公．．．大佬你都知啦，困喺间屋度咁多日，有嘢食都Si啦．．．你话系唔系先？仲有呀．．．」

    「得架啦，明白晒，非常感谢你嘅帮忙。」流主终於撑不下去了

    电子民笑说：「唏唔好咁讲．．．不过今次又要麻烦你啦，你知我地无左啲机械人真系唔掂架．．．都唔知今年咩事．．．咁鬼Si黑仔！你知唔知呀，无耐之前呀，我先．．．」

    「之後嘅嘢交b我地得架啦，你快啲去睇下其他居民有无嘢要你帮手。」流主说

    「咁好啦，你地都小心啲呀，啲机械人唔系人咁品架，特别佢地宜家好似连左线．．．」电子民还未说完，流主便离开了

    除了流主和豆外，其他人甚至是狗r0U也早已经吃不消，走到远处回避．．．

    阿宝看到流主和豆回来便问：「究竟依度发生咩事？」

    流主把电子民的说话简化：「机械人暴走。」

    锁匙萱赞叹：「你地好劲劲呀，可以顶到咁耐耐。」

    流主无奈说：「仲好讲，你地无义气．．．」

    孖根说：「我都系唔想杀人啫。」

    豆却笑说：「都唔系咁差啫．．．佢讲到好似讲故仔咁，几有趣呀．．．」

    阿宝说：「咁咪证明你系痴线个罗。」

    「．．．系嘅咩？」豆m0着头说

    「紧系．．．」阿宝没好气说：「唉无嘢啦。」